Adityo Jatmiko Wisuda

halomedan.com -Adityo Jatmiko Wisuda

1.
Pangkur

Adityo Jatmiko wisuda,
Ing Fakultas Filsafat pinilih,
Gadjah Mada Bulaksumur,
Kutha Ngayogyakarta,
Sampun lulus kalampahan bagus alus,
Purna gati pawiyatan,
Ijazah enggal katampi.

2.
Mijil

Wanci enjing padhang terang bening,
Sumanar cumlorot,
Sanak kadang teka gandheng renteng,
Rerenggan apik busana becik,
Tumata permati,
Adityo rahayu.

Baca Juga:

• Wisuda XXXIV Darul Hikmah Medan, Santri Diingatkan Jaga Citra Pesantren di Tengah Publik
• Wisuda Periode II 2026 UNPRI Jadi Panggung Global : Pengukuhan 1.141 Lulusan Dan Adjunct Professor Internasional

3.
Kinanthi

Tahun rong ewu selikur,
Adityo Jatmiko wiwit,
Kuliah ing Fakultas,
Filsafat jurusan Jawi,
Perguruan Gadjah Mada,
Nut tataning akademik.

4.
Asmaradana

PMM Adityo manggih,
Pertukaran mahasiswa,
Kota Padang panggonane,
Universitas Andalas,
Mentawai dipun ambah,
Kanggo nambah pengalaman,
Sarana jembaring kawruh,
Alam bumi nusantara.

Baca Juga:

• Putra Musa Rajekshah, Musa Arjianshah Raih Gelar Sarjana Hukum UISU
• Gubernur Bobby Nasution Hadiri Wisuda Sarjana Univa Medan, Harapkan Kontribusi Alumni untuk Kemajuan Sumut

5.
Durma

Jangkah langkah Adityo Jatmiko ngarah,
KKN kang katiti,
Tlatah Jawa Barat,
Kabupaten Kuningan,
Olah sampah dipun lampahi,
Bappeda suka,
Penghargaan wigati.

6.
Megatruh

Kantor BPJS pusat dipun gayuh,
Ing Ibukota Betawi,
Sowan mring Direktur Umum,
Pak Abdur Rahman Irsyadi,
Adityo winejang raos.

7.
Maskumambang

Mahasiswa Gadjah Mada perlu aktif,
Karawitan olahraga,
HMI ngaji rokhani,
Adit nyambung sesrawungan.

8.
Gambuh

Bisane tanggap tanguh,
Weruh bakti sosial tinempuh,
Mring sesami Adityo kudu mangerti,
Welas asih sinengkuyung,
Mardi momong momor momot.

9.
Dhandhanggula

Nalikane Adit nggarap skripsi,
Wulangan Sunan Paku Buwana,
Wira Iswara serate,
Ngemot filsafat luhur,
Pancasila dasar negari,
Gancare pembimbingan,
Dosen mangka guru,
Tata titi garapan kanthi permati,
Dumugi pendadaran.

10.
Sinom

Samengko ngudi pakaryan,
Pamrihe urip mandiri,
Dadiya jalma sembada,
Mulat petung ekonomi,
Jiwa raga pangaji,
Adityo Jatmiko luru,
Kehing papan gaweyan,
Srana pangembang profesi,
Tembe benjang gesange langkung cemerlang.

11.
Pucung

Matur nuwun Bapak Ibu sampun purun,
Maringi pamuja,
Anak kula nomer siji,
Ing filsafat kawisuda mrih manfaat.

Oleh: Purwadi