Babad Makloemat Pakoe Boewono XII

Babad Makloemat Pakoe Boewono XII

1.

Dhandhanggula

Hamengeti wolung dasa warsi,

Makloemat Pakoe Boewono Rolas,

Siji September wulane,

Papat lima kang tahun,

Anjagangi hadeging Nagri,

Republik Indonesia,

Baca Juga:

• Babad Gunung Danaraja
• Babad Pasir Wukir

Amrih jejeg bakuh,

Surakarta Hadiningrat,

Murwakani kraton saindhenging bumi,

Mahargya kamardikan.

2.

Pangkur

Pakoe Boewono ping Rolas,

Mbahu dhendha wibawa nyakrawati,

Baca Juga:

• Babad Brebes Bumiayu: Jejak Sejarah dan Kebudayaan
• Babad Kudus

Jumeneng narendra gung,

Budi bawa laksana,

Amemayu hayuningrat trus rahayu,

Ambeg adil paramarta,

Anggeganjar

mring sesami.

3.

Pucung

Wus tinemu udhu bandha bahu suku,

Kraton Surakarta,

Tumrap negara Republik,

Suka lila Indonesia bagya mulya.

4.

Gambuh

Tanah kereta gedung,

Boga wastra Minangka pisungsung,

Buku tulis kinarya administrasi,

Karsa kayun Jeng Sinuwun,

Republik sigra mencorong.

5.

Mijil

Soekarno Hatta aris ing kapti,

Sumbangan Kedhaton,

Surakarta pancen akeh gedhe,

Sinerat ing Perdana Menteri Syahrir,

Bebantu prajurit,

Kolonel Sinuwun.

6.

Asmarandana

Ndherek tokoh Proklamasi,

Labuh labet kanggo praja,

Soekarno dadya Presiden,

Sinuwun angiring Hatta,

KMB nagri Netherland,

RI berdaulat penuh,

Den akoni bangsa dunya.

7.

Megatruh

Datan mingkuh mring kehing baya pakewuh,

Pakoe Boewono sumbangsih,

Marsudi budaya luhung,

Mardi seni edi peni,

Nusantara gya sumorot.

8.

Sinom

Sosrodiningrat kang Patih,

Gita gita mandhegani,

Peparing kantor pakaryan,

Perdana Menteri Syahrir,

Gedung Bank den lenggahi,

Karsa dalem Jeng Sinuwun,

Pakoe Boewono Rolas,

Angandika manis aris,

Kanugrahan kawibawan kawidadan.

9.

Durma

Sigra bidhal bala kuswa Surakarta,

Bakti ibu pertiwi,

Sentana arapak,

Pinandhegan Kanjeng Sunan,

Paripurna hadeg negari,

Soekarno Hatta,

Kamardikan lestari.

10.

Kinanthi

Sampun wolung dasa tahun,

Kraton Surakarta paring,

Tanah wilayah negara,

Sawah kebon wana siti,

Sumber toya lepen arga,

Lenga pasar pabrik gendhis.

11.

Maskumambang

Emas picis Surakarta mili aglis,

Tulah kucah Kanjeng Sunan,

Konjuk Indonesia nagri,

Loh jinawi tata harja.

Purwadi.

ketua Lokantara.