Babad Gunung Danaraja

Babad Gunung Danaraja

1.

Gambuh

Danaraja ngregunung,

Kabupaten Jepara wus agung,

Amangeti budi pekerti utami,

Nyambut gawe guyub rukun,

Bebarengan gotong royong.

2.

Baca Juga:

• Babad Pasir Wukir
• Babad Makloemat Pakoe Boewono XII

Dhandhanggula

Kirab Kyai tombak tanah Jawi,

Lumampah ing wilayah Jepara,

Sigrak gumyak katon rame,

Mawurahan gumuruh,

Sanggya abdi dalem lumaris,

Karaton Surakarta,

Kebat rebut dhucung,

Baca Juga:

• Babad Brebes Bumiayu: Jejak Sejarah dan Kebudayaan
• Babad Kudus

Jumangkah ngayahi karya,

Tata titi sajuru juru permati,

Nguri uri budaya.

3.

Durma

Gelar lampahan Sesaji Rajasuya,

Kagunan seni ringgit,

Pakasa Jepara,

Jeng Bambang Hadiningrat,

Mbudidaya wus mandhegani,

Murih budaya,

Mencar kencar nelahi.

4.

Mijil

Tekad kuat manteb jroning ati,

Suwita Karaton,

Surakarta sumarah sumendhe,

Lumaksana kanthi nyembadani,

Abdi dalem bekti,

Sapakon mituhu.

5.

Pucung

Lakon luhur babaran kebak pitutur,

Crita wayang purwa,

Ketitik wawarah becik,

Kawibawan kawidadan kaleksanan.

6.

Maskumambang

Susanti Purwaningrum garwa kinasih,

Sinengkuyung para muda,

Uga pangarsa Bupati,

Sembada ingkang sinedya.

7.

Dhandhanggula

Gusti Kanjeng Ratu Wandansari,

Kersa tedhak Pakasa Jepara,

Kalung melathi rinonce,

Gandane sarwa arum,

Sari sari sumebar adi,

Rinumpaka runtut,

Renteng renteng reruntungan,

Wirabhumi punjer paring pangastuti,

Mimbuhi kanugrahan.

8.

Megatruh

Saking Nganjuk Malang Klaten Demak munjuk,

Sukoharjo Boyolali, Pacitan Ngawi Madiun,

Ponorogo Kudus Pati,

Wonogiri lan Cirebon.

9.

Asmarandana

Semarang lan Bekasi,

Purwodadi Blora Tuban,

Banjarnegara Kebumen,

Bojonegoro Magelang,

Yogyakarta Salatiga,

Kediri lan Tulungagung,

Sidoarjo Surabaya.

10.

Pangkur

Pangarsa tlatah Jepara,

Witiarso Utomo Pak Bupati,

Ibnu Hajar wakilipun,

Sinengkuyung Pakasa,

Rinten dalu kabudayan amrih maju,

Rakyat miwah pemerintah,

Sesarengan tunggil kapti.

11.

Sinom

Joglo hadipuran mbabar,

Pasuwitan ingkang becik,

Dhateng Kraton Surakarta,

Kagunan bisa lumaris,

Tumangkar aris manis,

Edi peni adi luhung,

Wayang tari bedhaya,

Reyog jaran ing pesisir,

Weh bebungah kiprah seni sumarambah.

12.

Kinanthi

Kagunan luhur sempulur,

Paripurna duk kawuri,

Anut marang laku jaman,

Panjang yuswa tambah wasis,

Mula banjur nak tumanak,

Anenuntun putra putri.

13.

Gambuh

Kutha Jepara mumbul,

Kirab pusaka tombak pinunjul,

Turut margi rame warni warni,

Padha muncul kehing bakul,

Dedolanan klinong klinong.

14.

Pucung

Jiwa agung Jepara tulung tinulung,

Darma mring negara,

Sumungkem ibu pertiwi,

Patuladhan linambaran kautaman.

15.

Maskumambang

Jepara kang gemah ripah loh jinawi,

Tata tentrem karta harja,

Panjang punjung pasir wukir,

Widada wibawa minulya sembada.

Purwadi