BABAD WIYATA MADYA

BABAD WIYATA MADYA

1.

Dhandhanggula

Paripurna tamat ngudi ngelmi,

Anindito Prasetya wisuda,

SMP Depok papane,

Ing Juni wolulikur,

Tahun slawe rampung mungkasi,

Siswa suka gembira,

Bapak ibu guru,

Wali murid sung pambagya,

Asih asah paring warah manggih berkah,

Gemilang tembe benjang.

2.

Sinom

Tahune rong ewu sanga,

Tanggale rong puluh Juli,

Ing kutha Ngayogyakarta,

Anindito sampun lahir,

Sumusul Bimo Adit,

Darah Salatiga Nganjuk,

Putra kang kaping tiga,

Pak Purwadi Ibu Sari,

Lumaksana pinanggih basuki yuwana.

3.

Mijil

Budhal mulih numpak sepedhah pit,

Tumuju ESPERO,

Munggah mudhun lewat dalan rame,

Wilayah Minomartani,

Tansah ngati ati,

Supaya rahayu.

4.

Kinanthi

Pasinaon nganti lulus,

ESPERO ketitik becik,

Wawasan sangsaya jembar,

Trampil rikat gelis wasis,

Minangka sangune gesang,

Kinarya tepa palupi.

5.

Pangkur

Gumregah bocah sekolah,

Maca nulis pamrihe tatas titis,

Ngawruhi sabarang ngelmu,

Anindito sakanca,

Matur nuwun guru ESPERO nenuntun,

Tumraping guna kawignyan,

Sinartan budi pekerti.

6.

Pucung

Pancen wutuh siswane ESPERO ampuh,

Tangguh tanggon tanggap,

Taliti gemi nastiti,

Padhang terang tembene bakal cemerlang.

7.

Maskumambang

Upacara wisuda ESPERO yekti,

Pasuryan muncar suminar,

Mitayani pra alumni,

Kanugrahan kawibawan.

8.

Megatruh

Jangkah langkah maju terus pantang mundur,

Anindito handayani,

Ngoyak gegayuhan luhur,

Mas Adityo ngrojongi,

Kangmas Bimo nyurung sokong.

9.

Gambuh

Mesthi saguh anggayuh,

Anindito jumangkah tumambuh,

Ibu Sari Indah Setiani ugi,

Mas Adit Mas Bimo udhu,

Bahu suku temu cocok.

10.

Asmarandana

Urut Mas Adityo lahir,

Patlikur Maret nol tiga,

Mas Bimo lima tanggale,

Nol nem September kang wulan,

Anindito trus rong puluh,

Juli ing rong ewu sanga.

11.

Durma

Sigrak gumyak gerak cerak jenak penak,

Anindito nglakoni,

Mas Adit mranata,

Mas Bima sung tuladha,

Bu Sari Indah Setiani,

Paring wewarah,

Gawa gawe mrantasi.

Yogyakarta,

Sabtu Legi, 28 Juni 2025.

Pak Purwadi