BABAD PRABA WULAN

Purwadi,
Ketua Lokantara
HP 087864404347

1.
Mijil

Cipta adi cahya terang anelahi,
Sumunar mencorong,
Santi sepi pamrih rame gawe,
Mapan kinarya tepa palupi,
Tumrap siswa siswi,
Gagasan ginayuh.

Mbak Sri Hertanti Wulan promosi,
Antuk gelar doktor,
Ana ing FBSB UNY,
Sinengkuyung kadang mitra sami,
Ndherek mangastuti,
Gancar lancar sampun.

2.
Kinanthi

Timbang tembung cetha catur,
Dhodhogan angrangin,
Ngumandhang ing awang awang,
Mbabar kawruh olah ilmi,
Pinurwakan pendadaran,
Samapta enggal makarti.

Esuk sore menyang kampus,
Sregep sinau permati,
Tanpa kendhat istirahat,
Sengkut nulis disertasi,
Sinambi amomong putra,
Alhamdulillah lumaris.

3.
Pangkur

Baca Juga:

• BABAD WIYATA MADYA
• Babad Brebes Bumiayu: Jejak Sejarah dan Kebudayaan

Jurusan basa daerah,
Ngarah arah merti budaya Jawi,
Ngolak ngalik maca buku,
Referensi pustaka,
Sengkut urut kajian ilmiah patut,
Nyata Sri Hertanti Wulan,
Angrampungi disertasi.

4.
Asmarandana

Kulawarga kakung putri,
Purworejo amahargya,
Minangka anugrah gedhe,
Bungah susah wus linampah,
Pancen nama jamak lumrah,
Abot entheng luru ilmu,
Wekasan nyandhang kamulyan.

5.
Gambuh

Tekad ampuh tinempuh,
Laku gliyak dadi wutuh bakuh,
Mbak Sri Hertanti Wulan gemi nastiti,
Gumregah greget gumregut,
Saiki ngrembuyung awoh.

6.
Pucung

Ulat semu jroning ati mesem ngguyu,
Sri Hertanti Wulan,
Lumaku nggonne makarti,
Salam hormat tumraping warga sakbrayat.

7.
Megatruh

Baca Juga:

• Babad Kotagedhe
• Babad GKR WANDANSARI

Sigra dzikir pikir nglilir wanci bangun,
Jago kluruk amelungi,
Mangungkung manuk derkuku,
Binarung angin sumilir,
Gagasan Mbak Wulan klakon.

8.
Sinom

Gelar doktor kasembadan,
Tamat perguruan tinggi,
Mapan ing pasca sarjana,
UNY marahi wasis,
FBSB pinilih,
Cocok papane meguru,
Mbak Sri Hertanti Wulan,
Ping tiga dadi alumni,
Bagya mulya krana wibawa widada.

9.
Durma

Madhep mantep jangka jangkep genep genah,
Hertanti Wulan ngudi,
Kawruh sangu gesang,
Mahargya tembe benjang,
Pakarti pakerti pekerti,
Dadya pedoman,
Angger angger prayogi.

10.
Maskumambang

Tata tulis disertasi ngati ati,
Tesis skrisi sing digarap,
Tanda baca koma titik,
Babar pisan ora salah.

11.
Dhandhanggula

Laras laris laku lancar manis,
Mahargya Mbak Sri Hertanti Wulan,
Kaya melathi rinince,
Wangi semerbak arum,
Kanan kiri sami mberkati,
Purna nggennya makarya,
Jumbuh kang ginayuh,
Sembada ingkang kajangka,
Sung pepuji mring Hyang Widhi mrih lestari,
Suka sukur raharja.

Rebo Wage,
31 Juli 2024

Pisungsung saking Purwadi.